老天爺爺

世顯同長平講，點解老天爺爺都唔幫佢地，至細就要將佢地分開，終於可以見返面，但老天爺爺又唔放過佢地，要長平回宮。終於盼到可以同長平結婚，但係又要被招去打戰，老天爺爺一d都唔幫佢地。
但係長平話，世顯..點解你可以鬧老天爺爺，老天爺爺真係好幫我地，你睇，我地雖然至細分開佐，我從o黎都冇諗過可以見返面，但係老天爺爺俾我地相見，而家我地真既可以結婚，老天爺爺真既對我地好好，唔可以怪老天爺爺既。

其實里一段說話，俾到我好多感覺，有時候我就好似世顯一樣，諗埋一邊，都覺得自己好俾心機，但係點解老天爺爺一d都唔幫我，點解果d衰人都可以咁好既，我真既覺得老天爺爺好似整蠱我，但係轉返頭諗，就好似長平講既說話，其實自己經過咁多野，而家雖然都唔算非常之安樂，但係全部都可以靠晒自己，唔需要人幫，都撐得住，有得食有得住，縱可以儲到錢，買自己鍾意既野，有乜唔好勒，其實應該好滿足啦，咁樣諗，心都好似開心d。或者里個世界上，真既好多野都冇得解既，咁我又可以做d乜勒，唯一希望自己唔好行差踏錯，對得住自己，對得住人，開開心心，咁就好啦，有d野，放低佢，都好過攔埋自己身，搞得自己好似要死咁，對自己有乜好處勒，只要相信自己係好惦既，咁就好啦，係唔係先!!但係真既要俾多ｄ心機做野先係真!!^^