都係唔去啦

媽子聽日要黎台北，叫我準備行李同佢去高雄，話我跟住里幾個月冇收入，不如去高雄讀書，佢負責我既生活費用，話費事我覺得佢都冇照顧我。我想其實佢係想我去陪佢多d掛..至少佢同叔叔鬧架，可以羅我當擋箭牌................................
去果邊的確係唔晒愁食飯d野，叔叔都算對我極好既，但我想我成日就負責當夾心餅，都唔晒溫書啦。初初極反對佢地結婚，咁e+唔接受都要接受啦，仲要次次佢地鬧架，我都要勸佢地唔好鬧架，話佢地雙方都已經離過一次婚啦，就算唔為自己諗，都為個仔諗下啦，我唔想見到佢同我一樣阿....有時諗下，真係覺得我既立場真係怪.....互相矛盾既.....
諗諗下，都係唔好去果邊溫書啦，我始終都係中意o係我自己間房，唔慣去"人地"屋企阿，又費事到時，老豆又唔開心，話我係姓"劉"既，食碗面反碗底.....