搵娟姊

墾晚去搵娟姊，一齊去打邊爐，之後返佐娟屋企。死娟，掛住上網，擺低我一個係廳度睇電視，三點幾，自己走去訓，冇交代我訓邊，我偷偷地走去電腦室，冇執床既，咁..應該係同娟姊訓掛，但..又唔好意思訓娟姊同姊夫既床..總係覺得唔係咁好..睇娟訓得咁熟，又驚吵醒佢，索性就訓沙發囉，除佐有少少凍，其實都ok既。但唔知點解，眼光光到六點幾先訓著....10點幾娟起佐身，之後話我做咩訓沙發，唔記得我回答咩，但唔好意思講，我唔好意思訓姊夫同佢既床啦..(面紅....)
跟住陪娟去戶政所辦身份證同遷地址，食午餐，食食下，娟就打佐個電話傾解，突然羅俾我聽，我問係邊個阿，哇..係vicki，第一次同V講電話，唔知講咩好，講佐兩三句就還返俾娟啦，真係嚇死我咩，不過V把聲極好聽阿，偶像E有對手啦，哈哈..不過一家人應該唔計既厚，嘻嘻....
食完午餐，三點鐘去睇"功夫"，極好笑啦，星爺頹廢得好cool、好型阿。邊睇邊諗起以前戲劇老師教既一d野，佩服星爺....。睇完就陪娟姊去特力屋買家私，跟住返到屋企，又睇電視，香港"愛心無國界"捐款節目，有種好特別既feel，同香港同步睇同一個節目，又開始自以為自己住o係香港..病態..~"~八點幾搭車返高雄，繼續當廢材既日子......@@!!!!